IPLच्या तारखांची अधिकृत घोषणा; या तारखेला होणार फायनल

नवी दिल्ली: अखेर आयपीएलच्या (IPL 2020) १३व्या हंगामाच्या तारखांची अधिकृत घोषणा झाली आहे. आयपीएलचे चेअरमन ब्रिजेश पटेल यांनी युएई (UAE) मध्ये होणाऱ्या या वर्षीच्या स्पर्धेची तारीख जाहीर केली.

पटेल यांनी पीटीआय वृत्तसंस्थेला दिलेल्या माहितीनुसार आयपीएलच्या १३व्या हंगामातील पहिला सामना १९ सप्टेंबर रोजी होणार तर फायनल मॅच ८ नोव्हेंबर रोजी होणार आहे. युएईमधील शाहजाह, दुबई आणि अबुधाबी या तीन ठिकाणी आयपीएलचे सामने होतील. आयपीएलच्या वेळापत्रकाला अखेरचे स्वरुप देण्याचे काम वेगाने सुरु झाले असून यासंदर्भात सरकारकडून परवानगी देखील घ्यावी लागणार आहे. इतक नव्हे तर बीसीसीआयकडून आयपीएलमधील संघांसोबत बोलणी सुरू आहे.

tweet link  https://twitter.com/PTI_News/status/1289943136320462849?s=19